Hei te wā o te rētitanga whare noho utu
Ākona ō mōtika me ō haepapa i te wā o te rētitanga whare noho utu ki te kaupapa o ngā tautika me ngā tirohanga, ngā raka me te haumarutanga i te wā e kuhu atu ana ki te rūma o te kainoho.
Ngā tautiaki me ngā tirohanga
Te tautiaki
He ōrite ngā herenga tautiaki o te whare noho utu ki ō te rētitanga ahuwhānui.
Me whakarite ngā kaituku rēti i te pai o te āhua o te whare noho utu. Ko te tikanga o tēnei, me haumaru, me ora hoki hei nōhanga. Me whakarite hoki ngā kaituku rēti i te pai me te mā o ngā rawapuni pēnei i te kīhini me te rūma horoi. Ki te kore te kaituku rēti e pēnei, kei whiua pea ki te hāmene utu.
E haepapa ana ngā kainoho i te whare noho utu ki te whakapai i tō rātou ake rūma.
Rapua he kōrero anō mō te tautiaki whare.
Ki te pakaru tētahi mea i roto i te whare noho utu, me whakatikatika rānei, me wawe te whakamōhio a te kainoho i te kaituku rēti.
Rapua he kōrero anō mō ngā whakatikatika me ngā pakarutanga.
Ngā tirohanga
Mēnā he kaituku rēti koe, he pai tonu te whakaaro ki te tiro auau i tō whare noho utu. Ka āwhina ngā tirohanga i a koe ki te tiro mēnā e tika ana te mahi o ngā mea katoa, kāore he tūkinotanga, ā, he pai te mā, te nahanaha rānei o ngā mea katoa.
- Me tuku rawa te whakamōhiotanga 24 hāora neke atu rānei te kaituku rēti, ki te tirotiro i te rūma.
- Ko te auau mōrahi mō ngā tirohanga rūma ko te kotahi i ia whā wiki.
- Me tū ngā tirohanga i waenga i te 8am ki te 6pm mō ngā whare noho utu, māna, kua whakaae te kainoho me te kaituku rēti ki tētahi atu wā.
- Ka taea e te kaituku rēti te tiro anō i te rūma mēnā kua whakaae tahi te kainoho ki te kaituku rēti ka oti i a ia te whakatika, te whakamā rānei i tētahi mea i mua o tētahi rā. Me tuku rawa te kaituku rēti i te wā whakamōhio e tika ana (24 hāora).
- Ka taea e te kaituku rēti te urutomo ki te whare noho utu i ngā wā katoa (engari anō ngā rūma takitahi). Engari e kore e taea e te kaituku rēti, e ētahi atu kainoho rānei, te whakararu i te noho hūmārie a te kainoho ki te whare noho.
Ētahi atu take e āhei ai te kuhu atu ki te rūma o te kainoho
I tua atu i ngā tirohanga, ka āhei te kaituku rēti whare noho te urutomo i tētahi rūma i muri i te tuku pānuitanga e 24 hāora i mua ki te:
- tirotiro i te rūma mēnā e whakaaro ana te kaituku rēti kua whakarērea te rūma, kua takahia rānei te ture Residential Tenancies Act 1986 (te Ture) i tētahi atu momo āhuatanga
- whakaatu i te rūma ki tētahi atu kainoho, kaihoko rānei
- whakatutuki i āna takohanga i raro i te Ture
- tirotiro i ētahi mahi i meatia e te kaituku rēti kia oti i te kainoho, ngā mahi rānei i whakaae ai te kainoho ka oti i a ia
- whakaatu i te rūma ki tētahi kaiuara kua rēhitatia, tētahi kaihoko papanoho, tētahi kaitirotiro whare, tētahi kaihoko, kairīhi rānei, tētahi atu kainoho rānei.
Ka āhei te kaituku rēti te urutomo i tētahi rūma whare noho utu me te kore tuku whakamōhiotanga:
- mēnā ka whakaae te kainoho i te wā tonu, i mua tata rānei i te kuhunga atu
- mēnā e whakapono ana te kaituku rēti he mōrearea nui ki te oranga o te tangata, o te papanoho rānei, ā, ka whakaitia, ka whakakorea rānei taua mōrearea i tōna kuhunga atu
- ki te whakarato i ngā ratonga kua whakaaetia, engari me tutuki ngā herenga o te whakaaetanga, o ngā ture o te whare rānei
- e hāngai ana ki tētahi whakahau a te Taraipiunara Retihanga.
Ngā raka me te haumarutanga
- Me haumaru tonu te āhua o te whare me ngā rūma katoa.
- Me whakarato te kaituku rēti i ngā raka e tōtika ana.
- Me whai wāhi ngā kainoho ki tō rātou ake rūma, me ngā rawapuni wharepaku me te horoi i ngā wā katoa.
- I mua o te whakahou i tētahi raka, me whakamōhio te kaituku rēti i te hunga katoa e whai pānga ana.
- Me kaua ngā kainoho e whakarerekē, e tāpiri, e tango rānei i tētahi raka, tētahi pūrere haumaru ōrite rānei.
Ngā pūoho auahi
E whakaturehia ana ngā pūoho auahi e mahi ana, ki ngā whare rēti katoa. Me hiko-iraaho (photoelectric) ngā pūoho auahi hou, ā, me manawaroa tonu te pūhiko, me mau taura hiko rānei.
Smoke alarm requirements for rental properties (transcript)
Transcript:
Smoke alarms save lives.
As a landlord, it is your responsibility to make sure there are working smoke alarms in the right places in your rental property.
Working smoke alarms are compulsory in all rental homes, boarding houses, rental caravans and self contained sleep outs.
There must be a smoke alarm in every room where someone sleeps, or within 3 meters of each bedroom door.
In multi storey or multi level homes, you must install a smoke alarm on each level or storey.
Smoke alarms installed after July 1st 2016 must be long life photoelectric alarms that meet the required international standard. You can purchase these from most hardware stores. [visual shows online purchase screen]
If you have a smoke alarm that was installed before this date, it must be replaced by one that meets the standard once it reaches its expiry date. [visual shows a hand removing old smoke alarm and replacing with new photoelectric alarm]
If you don't comply with the regulations, you can be fined [visual shows a penalty notice being removed from an envelope] and the consequences of not having working smoke alarms in your rental home could be far worse. [visual shows a phone screen with a phone call being made to Emergency 111, and a house on fire with flames in windows and smoke rising]
So do the right thing. Make sure your rental property is properly equipped with smoke alarms and check your smoke alarms regularly to make sure they are still operational. [visual shows a hand installing a smoke alarm, then testing the alarm by pressing button, then a thumbs up gesture]
If you have a hardwired smoke alarm system in your property, make sure it is maintained per the manufacturer's requirements. [visual displays a hard wired smoke alarm and a sheet of paper titled "photoelectric smoke alarm instructions"]
For more information on how to install and test smoke alarms properly, head to tenancy.govt.nz.
Me tāuta ngā pūoho auahi:
- kia tata ake i te 3 mita mai i ia kūaha moenga, ki ia rūma hoki e moe ai te tangata
- ki ia papa o ngā whare teitei, whare papa matatini rānei
- ki ngā whare rēti, ngā whare noho utu, ngā kerewēne me ngā rūma whai kīhini me ngā moe-waho tōtahi katoa.
Me whakarite ngā kaituku rēti e mahi ana ngā pūoho auahi katoa i te tīmatanga o ia rētitanga hou, otirā me mahi tonu hei te roanga o te rētitanga.
Me kaua ngā kainoho e wāwāhi, e tango, e momotu rānei i tētahi pūoho auahi. Me whakahou i ngā pūhiko mate (mēnā he pūoho tawhito whai pūhiko), ā, mēnā he raru tō te pūoho auahi, me whakamōhio wawe i te kaituku rēti.
Me aha ina he raruraru
Ko te tikanga o te takahitanga, ko te wā kāore e arohia ngā ture (e te kainoho, kaituku rēti rānei) o te Residential Tenancies Act.
I te wā ka takahia e te kainoho, te kaituku rēti rānei te Residential Tenancies Act, he mea nui tonu kia mārama ia me pēhea te whakatikatika.
Mēnā he take tāhau ki tō kaituku rēti, kainoho rānei, tēnā whakamātauria te whakatau i te take i waenganui i a kōrua.
He huatau ā mātou hei āwhina ake.
Mēnā kua whakaaetia me pēhea te whakatika i te raru, me āta tuhi, me waitohu hoki te kainoho me te kaituku rēti.
I ētahi wā, e kore e tutuki i a kōrua, me pēhea te whakatau i te raru. Hei ēnei wā, ka whai whakaarotia pea he ‘pānui ki te rapu otinga’. Ka whakamōhio tēnei pānui i tētahi atu tangata he aha tāna mahi takahi i te whakaaetanga, me aha ia ki te whakatika, ā, ka hia te roa ki a ia ki te whakatika. Ki te kore e whakatikahia i taua angawā rā, ka taea e koe te tuku tono ki te Tenancy Tribunal māna e whakatau i te raru. Ākene pea he hui takawaenga tēnei, he take ki mua i te kōti rānei.
Rapua he kōrero anō mō ngā takahitanga me te pānui ki te rapu otinga.
