Fale e board ai | Boarding houses
Malamalama i le eseesega o fale e board ai ma fale mautotogi masani.
O le ā le boarding house?
O fale e board ai e iai taimi e faasalalau faalauiloa ai o se apitaga e faaaogā faatasi po o ‘potu e mautotogi ai.’
I totonu o fale e board ai, e tofu tagata mautotogi taitasi ma lana maliega ma lē ona le fale e nofo mautotogi ai i se potu po o se nofoaga e moe ai i totonu o se potu o faaaogā faatasi ma isi tagata nofo mautotogi. E faaaogā faatasi ai foi mea, e pei o le umukuka ma le faletaele. E ese mai tulaga mautotogi masani e mafai ai e le toatasi pe sili atu tagata mautotogi e sainia le maliega e nofo mautotogi ai i le fale atoa.
E mafai ona nofoia fale e board ai (po o faamoemoe e faia ai) pe ā ma le toa 6 tagata mautotogi e nonofo ai i le taimi e tasi.
O le umi e nofo ai i le fale e board ai (po o faamoemoe o le umi e nofo ai) pe ā ma le 28 aso.
In this section
E te umia po o pulea se fale o nonofo mautotogi faatasi ai se toaono pe sili atu tagata i se apitaga i se potu po o momoe faatasi i totonu o se potu?
Malamalama i tulaga masani e moomia mo maliega nofo mautotogi i fale e board ai, nofo mautotogi ma le tupe faamau.
Malamalama i au aiatatau ma matafaioi i le vaitaimi o faia ai se mautotogi i se fale e board ai i mataupu tau tausiga lelei ma asiasiga, lokaina ma le malupuipuia ma le ulufale i totonu o se potu a se tagata nofo mautotogi.
Saili i faamatalaga e iloa ai le umi e tuuina atu ai se faaaliga, o mea e moomia ona e faia, i le taimi e faagata ai lau mautotogi i se fale e board ai.
Po o oe e ōna le fale e board ai pe e te nofo mautotogi ai?
