Maliega mo le nofo mautotogi

O maliega nofo mautotogi o konekarate i le va o le tagata e ona le fale ma (se) tagata nofo mautotogi. O maliega mautotogi uma e tatau ona tusia, sainia ma o lo o aofia ai nisi o faamatalaga tāua. E iai foi faamatalaga faaopoopo, mo se faataitaiga o se faamatalaga o le usitaia o faatulagana o fale lelei ma se faamatalaga tau inisiua, ma e tatau i le tagata e ona le fale ona saini ma faapipii faamaumauga nei i maliega fou uma mo le nofo mautotogi.

Malamalama i faamatalaga e tatau ona aofia i se maliega nofo mautotogi

Faamatalaina o faamatalaga e moomia

O se maliega nofo mautotogi i se fale e board ai e tutusa ma se maliega mautotogi masani, ae e tatau foi ona aofia ai tulaga nei:

• afai e faamoemoe e fai se maliega mautotogi mo aso e 28 pe sili atu
• numera o le telefoni a le tagata e ona le fale
• o le numera o le potu o faia i ai le maliega
• faamata o se potu e faaaogā faatasi ma isi tagata mautotogi, ma afai o lea, o le aofaiga maualuga o tagata mautotogi e ono mafai ona nofoia le potu
• faamata o se maliega fai faatasi ma isi, ma igoa o isi tagata i totonu o le potu
• auaunaga (afai o iai) e saunia e le tagata e ona le fale
• o le igoa, faamatalaga o le tagata e faafesootai ma le numera o le telefoni o le taitai o vaaia le fale e board ai (pe afai e ese mai le tagata e ona le fale)
• se faamatalaga o auala e tuua ai le fale pe a tupu se mu.

Faaaogā le faataatiaga o maliega mautotogi i fale e board ai ua matou saunia [PDF, 398 KB]

Faaopoopoina o aiaiga i le maliega mautotogi

E mafai e tagata e ona fale ona faaopoopo isi aiaiga i se maliega mautotogi o se fale e board ai pe afai e fesootai i mea e ono faaleagaina o le fale po o mea ua amata ona tuai ma leaga.

E lē mafai e tagata e ona fale ona faaopoopo aiaiga e solia ai le tulafono.

Faataitaiga o aiaiga e ono solia ai le tulafono e aofia ai:

• moomia ona faamamā e se auaunaga faapitoa kapeta i le uma ai o se maliega
• moomia i le tagata nofo mautotogi ona faapipii faailo asu e ausia ai tulaga moomia faatulafonoina.

Faaopoopoina o aiaiga i le maliega o le mautotogi

Tulafono o le fale

E mafai e le tagata e ona le fale e board ai ona faia tulafono o le fale. O tulafono o lo o faataoto atu ai ni auaunaga ua saunia, faatasi ma auala e faaaogā lelei ai le fale. O tulafono o le fale e ono aofia ai:

• tulafono i le faamamā ai o se mea e faaaogā faatasi sa e faaaogāina
• o meatotino o saunia ma le vaaiga
• tulafono i le va fealoai ina ia maua le nofo lelei o tagata, mo se faataitaiga aua le soona leotele se musika i tua atu o se taimi faatulagaina.  E tatau i le tagata e ona le fale ona tuuina atu i (le) tagata mautotogi aso e lē itiiti ifo ma le fitu aso o se faaaliga tusia o ni tulafono ua suia a o lei faamamaluina se suiga.

E tatau i le tagata e ona le fale ona tuuina atu i le tagata mautotogi se kopi o tulafono i le amataga mai o le mautotogi. E tatau foi ona ia faaali kopi o faamaumauga nei i le fale e board ai.

E lē mafai e tulafono o le fale ona solia le Residential Tenancies Act 1986 (RTA) po o isi lava tulafono (mo se faataitaiga le Human Rights Act po o le Privacy Act). Afai e talitonu se tasi o tagata mautotogi ua solia e tulafono o le fale le tulafono, e mafai i le tagata nofo mautotogi ona tuuina atu se talosaga i le Tenancy Tribunal.

O le faiga e tuuina atu ai se talosaga i le Tenancy Tribunal

Faaeeina atu o se tupe faamau

E mafai e le tagata e ona le fale ona talosaga i tagata mautotogi e totogi se tupe faamau i le taimi ua siitia ai e nofoia se nofoaga.

O le tupe faamau o le tupe lea e ono faaaogā e totogi ai:

• tupe o le fale e lei totogia
• mea ua faaleagaina o le fale
• soo (se) talosaga e fesootai i le mautotogi.

O tagata mautotogi o teu lelei le potu o nonofo ai, totogi le tau atoa o le potu, ma totogi mea o nofo aitalafu ai e tatau ona toe maua le tupe faamau i le uma ai o le mautotogi.

O tagata e ona fale e board ai o lo o faaeeina atu se tupe faamau:

• e tatau ona tuuina atu le tupe faamau i le Tenancy Services i totonu o le 23 aso faigaluega mai le aso na tauaaoina ai
• e tatau ona tuuina atu i le tagata nofo mautotogi se lisiti.

O le maualuga faatapulaaina o se tupe faamau e mafai e lē ona le fale ona tāpā e tutusa lea ma le aofaiga o le rent mo le fa vaiaso.

Saili atili i le faamatalaina o le tuuina mai o se tupe faamau

Saili atili i le faamatalaina o tupe faamau e toe totogi atu

Faaeeina atu o se tau mautotogi ma siitaga i le mautotogi

E mafai e le tagata e ona le fale ona tāpā le tupe o le fale mo le 1 pe 2 vaiaso e lei aulia i le vaitaimi o le mautotogi.

E faasa i le tulafono se tasi e ona le fale ona ia tāpā le tagata nofo mautotogi na te totogi atu se tupe o le fale e sili atu ma le 2 vaiaso e lei aulia. E lē mafai foi e lē ona le fale ona toe tāpā le isi tupe o le fale o sosoo ai seiloga ua faaaogā uma le tupe o le fale lea na totogi muamua.

Saili atili i le faamatalaina o tupe o le fale ua faaeeina atu

E tatau i le tagata e ona le fale e board ai ona tuuina atu se faaaliga tusia e lē itiiti ifo ma le 28 aso a o lei faia se siitaga o le tupe o le fale. Na o le faatasi i le 12 masina e mafai ai ona siitia le tupe o le fale ma e lē mafai ona itiiti ifo ma le 12 masina mai le aso na amata ai le mautotogi.

Saili atili i le faamatalaina o siitaga o tupe o le fale

Faatulagana o fale e board ai ma fale lelei

O fale e board ai (se‘i vagana fale e vaaia e le Kāinga Ora po o se Community Housing Provider) e tatau ona ausia ai faatulagana o fale lelei. O se tulaga lea na faamalosia talu mai le aso 1 Iulai 2021.

E maoti ma e saunia e faatulagana o fale lelei tulaga masani maualalo mo le faamafanafanaina, ventilation, insulation, ea susū ma le faamamāeseina o le suavai, ma le taofia o le ea susū mai le sao atu i totonu o fale mautotogi.

Afai e lē ausia e se fale e board ai faatulagana o fale lelei e pei ona moomia, e ono faasalaina i se sala tupe e $7,200.

E tatau foi i tagata e ona fale ona faaaofia ai se faamatalaga e faaalia ai le usitaia o faatulagana o fale lelei mo soo se maliega fou po o se maliega ua toe faafou mo se mautotogi i se fale e board ai. O se tulaga lea na faamalosia talu mai le aso 1 Tesema 2020. E iai le matou faataatiaga e mafai ona e faaaogā mo le vaega lea.

Faamatalaga e faaalia ai le usitaia o faatulagana o fale lelei.

Saili atili i le faamatalaina o faatulagana o fale lelei.

O e nofo mautotogi i se boarding house? Ia e silafia au aiātatau!

O tulafono mo le nofo mautotogi i boarding house e ese mai isi nofo mautotogi i lalo o le Tulafono mo le Nofo Mautotogi. Afai o loo e nofo i se boarding house, ia e malamalama i tulafono o loo ta’ua iinei.

O e nofo mautotogi i se boarding house? Ia e silafia au aiātatau! [PDF, 572 KB]