Lea Faka Tonga | Tongan
Ko e nofo totongí mo koe
Renting and you
‘Oku fakamatala’i atu ‘i he tūhulú ni ‘a e ngaahi totonu mo e ngaahi fatongia mahu’inga ‘o e kau lenilootí mo e kau nofo totongí ‘i he malumalu ‘o e lao nofo totongi ‘a Nu’u Silá, ‘o kau ki ai ‘a kinautolu ‘oku nau nofo ‘i he ngaahi fale nofo totongi pootí.
(Kātaki ‘o fakatokanga’i ange: Ko e tūhulú ni ‘oku ‘oatu ‘i ai ‘a e ngaahi fakamatala lahi felāve’i mo e nofo totongí, kā ‘oku ‘ikai tatau ‘eni ia mo ha’o ma’u atu ha fale’i fakalao.)
Ko e nofo totongí mo koe [PDF, 2.4 MB]
Tūhulu Nounou ki he Nofo Totongi Leleí
Short guide to good renting
‘Oku hā atu ‘i he ki’i tohí ni ‘a e ngaahi tefito’i totonu mo e fatongia ‘o e kau nofo totongí mo e kau lenilootí, fakatou’osi, ‘o ngāue’aki ha ngaahi lisi hokohoko ‘o ha ngaahi me’a ke fakahoko. Ko ha ki’i tūhulu faingofua ‘eni ia ‘i hono fakahoa ki he tohi tūhulu Ko e nofo totongí mo koé.
Tūhulu Nounou ki he Nofo Totongi Leleí [PDF, 2.4 MB]
Kau nofo totongi, ‘ilo’i ho’omou ngaahi totonú!
Tenants, know your rights!
‘Ilo ki he faikehekehe ‘i he vaha’a ‘o ha tokotaha nofo totongi pea mo ha tokotaha kaungā nofo feleti. ‘Ilo ki he ngaahi me’a ‘oku fiema’u atu ke fakahoko ‘e ho’o lenilootí, pea lau heni fekau’aki mo ho’o ngaahi tefito’i totonu mo e fatongia ‘i ho’o hoko ko e tokotaha nofo totongí.
Kau nofo totongi, ‘ilo’i ho’omou ngaahi totonú! [PDF, 319 KB]
Ngaahi fale nofo‘anga pooti
Boarding houses
‘Oku ‘i ai ‘a e ngaahi tu‘utu‘uni kehekehe ki he nofo totongi ‘i ha fale nofo‘anga pooti ‘i hono fakahoa ki he nofo totongi anga mahení.
‘Oku ‘i ai (pe totonu ke ‘i ai) ha kau nofo totongi ‘e ‘ikai si‘i hifo ‘i he toko 6 ‘i ha fo‘i taimi ‘e taha ‘i ha fale nofo‘anga pooti. ‘I ha fale nofo totongi pooti, ‘oku ‘i ai ‘a e aleapau ‘a e tokotaha nofo totongi takitaha mo e lenilootí (landlord) ke nofo totongi ‘i ha loki taautaha pe ‘ēlia fai‘anga mohe ‘i ha loki ‘oku fevahevahe‘aki mo ha ni‘ihi nofo totongi kehe. ‘Oku nau toe fevahevahe‘aki foki mo hono faka‘aonga‘i ‘o e ngaahi loki fai‘anga me‘á (facilities) hangē ko e peitó mo e falekaukaú. ‘Oku kehe ‘eni ia mei he nofo totongi anga mahení ‘a ia ‘oku fakamo‘oni ai ha tokotaha pe ni‘ihi nofo totongi ke nau nofo totongi ‘i he ‘api nofo‘angá kakato.
